9 June 2008

ချစ်ရမ္မက် - အပိုင်း (၄)



“သည်နေ့ကို ဂုဏ်ပြုဖို့ မင်းအတွက်လက်စွပ်တစ်ကွင်း ၀ယ်ပေးပါရစေ ၊ မင်းစိတ်ကြိုက်ရွေးပါ ။ ငါအချိန်ရရင် ငါနဲ့အတူသွားဝယ်ရအောင်” လို့ သူမတို့ နှစ်ယောက်ပထမဆုံးနေရာမှာ. ၊ လုပ်ငန်းပြီးချိန်၌ သူပြောခဲ့ ဖူးသည်။ သူတို့၏ ဒုတိယအကြိမ် အတွေ့မှာတော့ ခပ်မြန်မြန်ကိစ္စပြီးခဲ့ရလို့ သူနောက်ထပ်သည်အကြောင်းပြောဖို့ အချိန်မရခဲ့ပါ ။ အကယ်လို့ သူသာသည်နေ့ ထိုအကြောင်းမှတ် မိပုံမပေါ်ရင် ဂျေဆင်းအနေနှင့် သူ့ကို သတိပေးရန် သိမ်မွေ့သော နည်းလမ်းများကို စဉ်းစားရဦးမယ် ။ အခြားယောက်ျား တစ်ယောက်သာဆိုရင် သူမကိုယ်သူမ သိက္ခာမဲ့စေ၍ ပူဆာတောင်းဆိုမည် ဖြစ်သည်။ အသားစား မြေခွေးအိုတစ်ကောင် နှင့်တူသော သူလို့လူတစ်ယောက်သည် ငယ်ရွယ်ချောမောသော မိန်းမတစ်ယောက်က အသက် (၅၀) ကျော် ခပ်ဖိုင့်ဖိုင့် ယောက်ျားတစ်ယောက်ကို တမ်းတမ်းစွဲဖြစ်ရခြင်းသည် သူ့ ယောက်ျားပီသမှု အတွေ့အထိတစ်ခုတည်းကြောင့် မဟုတ်မှန်း ရိပ်မိမှာသေချာလှသည်။

သူရဲ့ ငွေကြေးပိုင်ဆိုင်မှု ၊ ချမ်းသာကြွယ်ဝမှုတွေကို ဥပေက္ခာပြုခြင်းသည် သံသယကို ပွားစေမည်ပင် ဖြစ်၏။ လက်ဝတ်လက်စား စိန်ရွှေရတနာများသည် အမျိုးသမီးများ အဆင့်အတန်းမရွေး သည်းခြေခိုက်ဆေးပင် မဟုတ်ပါလော။ သူမသည် ရှန်ဟိုင်းသို့ အမျိူးသမီးအလှကုန်ရောင်းသူ အဖြစ်လာခဲ့ခြင်းဖြစ်၏ ။ သမရိုးကျ လမ်းအိုလမ်းဟောင်းအပြင် သူမအပိုအမြတ်တော့ အနည်းငယ်ထုတ်လိမ့်မည်ဟု သူယူဆပေလိမ့်မည်။ နောက်ပြီး မစ္စတာရီကိုယ်တိုင်ဟာလည်း အစိုးရသူလျို အဖွဲ့ဝင်တစ်ဦးဖြစ်တဲ့ အတွက် သံသယဖြစ်စရာအကြောင်းအချက် တစ်စုံတစ်ရာမတွေ့ရတောင်မှ ပူးပေါင်းကြံစည်မှုများပေလောဟု အတွေးရှိကောင်းရှိနိုင်သေးသည်။ သူမ၏ ဦးစားပေး အစီအစဉ်သည် သူကိုယ်တိုင်က သူမအား ယုံကြည်ကိုးစားနိုင်သူအဖြစ် ယူဆခံရနိုင်အောင်ဖြစ်၏။ ဒါကြောင့်လည်း ယခုအခြေအနေအထိ သူကြို တင်ချိန်းထားသော နေရာများသို့သာ သူမလိုက်ခဲ့ခြင်းဖြစ်၏ ။ ယနေ့မှသာ ဂျေဆင်းက သူ့ကို သူမဆွဲဆောင်မှုနောက် လိုက်လာရန်ကြိုးပမ်းရပေဦးမည်။



နောက်ဆုံးတစ်ခါတွေ့ခဲ့ကြတုန်းကတော့ မစ္စတာရီကဂျေဆင်းကို ခေါ်ရန်ကားတစ်စီးစေလွှတ်ခဲ့၏ ။ သည်လောက်အကြာကြီးစောင့်နေရပုံ ထောက်လျှင် သည်နေ့တော့ သူကိုယ်တိုင်လာခေါ်မှာပဲလို့ ဂျေဆင်း တပ်အပ်တွေးမိသည်။ သည်အချက်သည်လည်း သူမအကြံအစည်အတွက် အရေးသာဖွယ်ဖြစ်၏ ။ အကယ်၍သာ သူမ သူရှိရာကို လိုက်ရမယ်ဆိုရင် ကိစ္စပြီးချိန်မှ ချော့မော့ပြီး အပြင်ထွက်ရန် မလွယ်တော့ချေ။ ဒါပေမယ့် သူမကို အခန်းသို့ခေါ် မသွားခင် ညစာတစ်ခုခု လိုက်ကျွေးလျှင်တော့ဖြင့် ပိုလို့အဆင်ချောလိမ့်မည်။ သို့သော် အရင် နှစ်ခါစလုံး သူညစာလိုက်မကျွေးခဲ့ ။ ဒါအပြင် ဂျေဆင်းအနေနှင့်လည်း သူလုပ်ငန်းစရန် အချိန်ယူ ဇိမ်ခံနေချင်သေးလျှင် ရတနာဆိုင်ပိတ်သွားမည်စိုးသော်လည်း ပြည့်တန်ဆာ တစ်ယောက်က သူ့ဖောက်သည်တစ်ယောက်ကို ဆက်ဆံသလို အလောသုံးဆယ်လုပ် ခိုင်းရန်လည်း မဖြစ်နိုင်ပေ။

ဂျေဆင်းသည် မိတ်ကပ်ဗူးကိုဖွင့်၍ မျက်နှာတို့ပတ်ပ၀ါဖြင့် ခပ်ပါးပါးလိမ်းခြယ်လိုက်သည်။ သူ သူမထံ ယနေ့လာရောက်တွေ့ဆုံရန်မှာ သေချာသော အာမခံချက်တော့ မရှိပါ။ ဆန်းသစ်သော အရည်အသွေး ၊ အထိအတွေ့တို့မှာလည်း မှေးမှိန်စပြုလာပြီဖြစ်၍ သူ၏စိတ်အားထက်သန် တတ်ကြွခြင်းတို့မှာလည်း ပျောက်ကွယ်ကောင်း ပျောက်ကွယ်သွားနိုင်လေပြီ ။ သူမသာ ယနေ့ ကိစ္စပြီးပြတ်အောင် မစွမ်းဆောင်နိုင်ခဲ့ပါက နောက်တစ်ကြိမ် အခွင့်အရေးမှာ မသေချာတော့ ။

သူမလက်မှ နာရီကို တစ်ချက်ငုံ့ကြည့်လိုက်သည် ။ ပိုးခြေအိပ်အတွင်းဝယ် ခပ်ချွန်ချွန်အစရှည် တစ်စ စူးဝင်နေသလို ၊ အနိ ဋ္ဌာရုံ၏ နိမိတ်တစ်စုံတစ်ရာသည် သူမစိတ်သဏ္ဍာန်ကို ရစ်ပတ်ဖွဲ့နှောင်ထားလျက် အေးစက်စက်ဇောချွေးတွေ ပြန်လာသလိုခံစားရ၏ ။ သူမနေရာနဲ့ ခပ်လှမ်းလှမ်းမှာ သင်တိုင်းရှည်ဝတ်ထားတဲ့ အမျိုးသားတစ်ယောက်ဟာ သတင်းစာဖတ်ဟန်ပြု ၍ သူမကိုအကဲခတ်နေသည်။ သူမ မရောက်ခင်ကတည်းက သူသည်ဆိုင်မှာ ရှိနေတာဖြစ်လို့ သူမနောက်ကို နောက်ယောင်ခံလိုက်သူတစ်ဦး မဖြစ်နိုင် ။ သူမဘာအတွက်များ သည်နေရာကိုရောက်နေတာလဲ လို့မှန်းဆကြည့်နေပုံရ၏ ။ သူမ၀တ်ထားတဲ့ ရတနာတွေဟာ အတုတွေ လား ၊ အစစ်တွေလား … ။ သူမပုံစံဟာ ကချေသည်ပြဇာတ် မင်းသမီးတစ်ယောက်နဲ့တော့ မတူပေဘူး ။ ပြဇာတ်မင်းသမီးဆိုရင်လည်း နာမည်နဲ့ မျက်နှာ မတွဲမိနိုင်ဘူးဖြစ်နေတယ် ။

ဟုတ်ပါသည် ။ သူမရဲ့ လက်ရှိဇာတ်ကောင်ကို ထင်ရှားအောင်မစွမ်းဆောင်နိုင်သည် အထိ လျို့ဝှက်သော ဇာတ်လမ်းတစ်ပုဒ်တွင် ပါဝင်ကပြနေရဆဲဖြစ်သည့်တိုင် သူမဘ၀ရဲ့ တစ်ချိန်တုန်းကတော့ ဂျေဆင်းသည် ပြဇာတ်မင်းသမီး တစ်လက်ဖြစ်ခဲ့၏ ။
သူမ ကွမ်းတုံ ကောလိပ်မှတုန်းက မျိုးချစ်စိတ်ကို လှုပ်နိုးစေသည့် သမိုင်းပြဇာတ်များတွင် တီးဝိုင်းအဖွဲ့တွင်ပါဝင် ခဲ့ရဖူးသည်။ တိုင်းပြည် ဂျပန့်လက်အောက် မကျမီလေးမှာပဲ သူမဟောင်ကောင် တက္ကသိုလ်သို့ ပြောင်းရသည့်အခါ ၊ ကျောင်းတွင်း အနုပညာ အဖွဲ့သည် တစ်ခုတည်းသောနှင့် နောက်ဆုံးဖြစ်သော ပြဇာတ်တစ်ပုဒ်ကို တင်ဆက်ကပြခဲ့သည်။ လိုသည်ထက်ပို ၍ စိတ်လှုပ်ရှားခဲ့ပြီး ၊ ကုလားကာ ကြီးကျသွားသည့်တိုင် ဆက်လက်သရုပ်ဆောင် နေဆဲဖြစ်သော ဂျေဆင်းသည် ၊ ပွဲအပြီးနောက် ကျန်ပြဇာတ်အဖွဲ့သားများနှင့် တစ်ခုခုသွားစားရန် အပြင်ထွက်ခဲ့ကြသည်။ အကုန်စားသောက်ပြီးကျ ၍ ပြန်သွားကျသည့်တိုင် သူမ အိမ်မပြန်ချင်သေးပါ။ ဒါနဲ့ သူမ၏ မိန်းမဖော်သူငယ်ချင်း နှစ်ယောက်နဲ့ မှောင်သည့်တိုင် နီယွန်မီးရောင်များဖြင့် အလင်းပေးထားသည့် ကြော်ငြာပြတင်းပေါက်များ တစ်လျှောက်ဖောက်ထားသည့် ဓာတ်ရထားလမ်းတွင် လူသူကင်းမဲ့သောရထားကြမ်းခင်မှာ လိုက်ပါစီးနင်းရင်း တစ်ညလုံး ပျော်ခဲ့ကြသည်။

ဟောင်ကောင်တက္ကသိုလ်ဟာ ကွမ်းတုံကျောင်းသားများအတွက် စာသင်ခန်းအချို့ ငှားရမ်းအသုံပြုခွင့်ပေးထားသော်လည်း ဆရာများအနေဖြင့် အကြပ်အတည်းတွေ့ရပြီး သူတို့လူမျိုးရဲ့ဒုက္ခသည် အဆင့်ရောက်နေကြရပုံကို မသက်မသာ ညည်းတွားသတိပေးလျှက်ရှိကြ၏ ။ နိုင်ငံရေး ဗရုတ်ဗရက် ကာလကြီးအတွင်းမှာ ဟောင်ကောင်ပြည်သူများ၏ စိတ်ပျက်စဖွယ် နိုင်ငံရေးအသိမရှိမှုသည် ဟောင်ကောင်နယ်နိမိတ်အတွင်းသို့ မိုင်တစ်ရာကျော်ကျော်သာဝင်လာရသည့်တိုင် သူတို့အတန်းသားများအား ပြည်နှင်ဒါဏ်အပေးခံရခြင်းကဲ့သို့ နာလိုခံခက်ဖြစ်စေပြီး ပြင်းပြသော မတရားမှုကို ဆန့်ကျင်လိုစိတ်များပွား များလာစေခဲ့သည်။ မကြာမီမှာပင် အတန်းသားများထဲမှ ထက်မြက်သောလူငယ်တစ်စုသည် လူမျိုးရေးအသင်းငယ်တစ်သင်းကို ဖွဲ့စည်းခဲ့ကြသည် ။ ၀မ်ကျင်းဝေ သည်ဂျပန်နှင့် ပူးပေါင်းဆောင်ရွက်ရေး အစိုးရအဖွဲ့ပကို ပြည်မတွင်ဖွဲ့စည်းလိုက်ပြီးနောက် ၊ ဟောင်ကောင်ကျွန်းသို့လည်း ထိုအစိုးရ၏ နယ်လှည့်စည်းရုံး ရေးအဖွဲ့များ ဆိုက်ရောက်လာကြသောအခါ ၊ ထိုအဖွဲ့ဝင် အများစုသည် ကွမ်းတုံ့ ဒေသမှဖြစ်ကြ၏ ။ ဒါ့အပြင် သည် အစိုးရအဖွဲ့ကို အထောက်အပံ့ပေးနေသူဟာလည်း ကွမ်းယုမင်ရဲ့ မြို့မှ လူကြီးတစ်ယောက်ဖြစ်တယ်ဆိုတာကို ကျောင်းသားတွေသိရှိသွားကြတယ် ။ မိမိကိုယ်ကို စိတ်ချယုံကြည်စွာဖြင့် ကွမ်းယုမင်သည် ထိုလူကြီးလူကောင်းကို မိတ်ဆွေဖွဲ့လျက် သတင်းပလင်းများ အစ်အောက်ယူခြင်းဖြင့် အစိုးရအဖွဲ့ဝင်များ အကြောင်း အသုံးဝင်သည့်သတင်းအချက် အလက်များ ရရှိခဲ့သည် ။ သူ့အသင်းသားများကို သတင်းပြန်ပို့ ပြီးတဲ့ အခါမှာ ၊ အသင်းရဲ့ သိပ်သည်းတဲ့ဆွေးနွေးပွဲ များအဆုံးတွင် သူတို့၏ အမျိုးသမီးအသင်းသား တစ်ဦးကို ဗန်းတင်ပြီး လုပ်ကြံမှု၏ ဗဟိုချက်မအဖြစ် မစ္စတာရီအား ထောင်ချောက်ဆင်ရန် ဆုံးဖြတ်ခဲ့ကြသည်။ ရှေးဦးစွာ အမျိုးသမီးသည် ရီကတော်နှင့် မိတ်ဆွေဖွဲ့ပြီး နောက်တစ်ဆင့်အနေဖြင့် သူ့ခင်ပွန်းကို ချဉ်းကပ်ရမည်ဖြစ်သည် ။ ဒါပေမယ့် အမျိုးသမီးသည် လူထုထဲမှ အစိုးရကို အများဆုံးဟန့်တား တတ်သည့်လူတန်းစား ဟုသတ်မှတ်ခံ ထားရသော ကျောင်းသူတစ်ယောက်အနေဖြင့် ပွဲထွက်မည်ဆိုလျှင် ရီကတော့်အနေဖြင့်လည်း မကြာမီရိပ်မိသွားပေမည်။ ဒါကြောင့်ပဲ အဖွဲဝင်များသည် သူမကို ဟောင်ကောင်ရဲ့ နိုင်ငံရေးနှင့် အကင်းကွာဆုံးလူတန်းစားဖြစ်သည့် ကူးသန်းရောင်းဝယ်ရေးဆိုင်ရာ ပြည်တွင်စီးပွားရေး လုပ်ငန်းရှင်တစ်ဦး၏ ဇနီးအနေဖြင့်ပွဲထုတ်ပါမှ ပိုမိုသင့်တော်မည်ဟု ဆုံးဖြတ်ပေးခဲ့သည်။ ကောလိပ်အနုပညာ အဖွဲ့၏ ခေါင်းဆောင်မင်းသမီးပွဲထွက်ရန် ဇာတ်ခုံ ကုလားကာအား တင်ပေးရတော့မည်….. ။ ။

-ဆက်ရန်

8 June 2008

မိုးသည်းနေ့ တစ်ကိုယ်တော် ပြောစကား


သည်မှာ မိုးတွေစွေပြီဆို ရင်ဖြင့် ၊ ငယ်ငယ်က မသည်းပဲဖွဲတတ်သည့် အညာမိုးပြေးကို သတိရမိသည်။

+++++

သည်နေ့တွင် မိုးသည်းသည်မည်းမည်းရွာသည် ။ မိုးလင်းကတည်းကစွေ နေသောမိုးသည် ညနေတိုင်စဲမည့် ပုံမပေါ် ။ အားလျှင်ဖတ်မည်ဟု အားခဲထားသော စာအုပ်ပုံကြီးကို ကျောပေးလျှက် ယနေ့အပြင်ထွက်လျှင်ကောင်း မလားဟုတွေးမိသည် ။ စာမေးပွဲတွင်းတွင်သာ စာဖတ်ရသည်မှာ အရသာရှိလှသည်။ တကယ်အားပြီဆို ရင်တော့ တစ်ထိုင်တည်းမဖတ်ချင်တော့ ။

အပြင်တွင် မိုးသည်းသည်းမည်းမည်းရွာနေဆဲ ။ အိမ်မှာ ကွေးနေရသည့်အရသာ နှင့် မိုးသည်းထဲတွင်လမ်းလျှောက် ရမည့်အရသာ ဘယ်ဟာကပိုကောင်းလဲလို့ ဆုံးဖြတ်ပေးမည့်သူ တစ်ယောက်ယောက် ရှိရင်သိပ်ကောင်းမှာဟုတွေးမိ၏ ။ စိတ်ထဲတွင် တွယ်ရာမဲ့စွာ လွတ်လပ်နေ၏။ စိတ်ဖိစီးမှု တစ်ခုခုနှင့် နေရထိုင်ရသည်ကမှ ကောင်းတောင်းတောင်းဟု မတွေးစဖူးတွေးမိသည်။ ယခင်ကလို တစ်စုံတစ်ယောက်ကို လွမ်းမောတမ်းတနေရလျှင်ကော ခုလောက်လွတ်လပ်ပါ့မလား ။ ယခုတော့ တပ်မက်မျှော်လင့်ခြင်းကင်းသော လက်ရှိအခြေအနေသည် ငြီးငွေ့ဖွယ်ပင် ။

မသေချာသော စိတ်ပိုင်းဖြတ်မှုဖြင့် အိပ်ယာမှ လူးလဲထသည်။ (၉)နာရီကျော်သည်အထိ အိပ်ရာမှ မထသေးသည့် ကိုယ့်အဖြစ်ကိုတွေးတော့ပြုံးမိပြန်သည် ။ အမေသည် နေဖင်ထိုးအောင် အိပ်သည့်အကျင့်ကို လုံးဝမကြိုက် ။ ညကဘယ်အချိန် အိပ်ရာဝင်ဝင် နံနက် (၇) ခွဲလောက်ကျပြီဆိုရင် နှိုးတတ်သည်။ “အိုး အိုး .. အင့် အင့် ” ညည်းထရင်း အသင့်ပြင်ထားသည့် နံနက်စာကို စားရသည်မှာ အပူအပင်ကင်း စွတကား ။ လောလောဆယ် သတိပြုမိတာကတော့ ၊ ခုနံနက်အတွက် ညကမုန့်မ၀ယ်ခဲ့ရ ။ ဒါဆိုလည်း ကော်ဖီတစ်ခွက်ပေါ့ ။

နံနက်စာကို ကော်ဖီတစ်ခွက်တည်းမသောက်သင့်ကြောင်းကို သူငယ်ချင်းဆရာဝန်လောင်းများထံမှ ညွှန်ကြားဆရာလုပ်သည်ကို ကြားဖူးသည်မှာ ရိုးနေပြီ ။ အသိနှင့် လက်တွေ့အကောင်အထည်ဖော်နိုင်မှု ဆိုတာများစွာကွာ ခြားကြောင်းသိခဲ့သည်မှာလည်း ကြာလှပြီ။ သွားတိုက် ၊ မျက်နှာသစ် ၊ ကိုယ်လက်သန့်ရှင်းရေးပြီး ရေနွေးအိုးခလုပ်မီးဖွင့်ခဲ့ပြီး ၊ မနေ့ညက ချွတ်ခဲ့သော မျက်မှန်ကိုပြန်ရှာရသည် ။ ကုတင်ဘေးမှာပြန့်ကြဲနေသည့် စာအုပ်ပုံကြားမှ မျက်မှန်ကို ချက်ချင်းမမြင်နိုင်ပါ ။မျက်မှန်တပ်ပြီးချိန်တွင် ရေနွေးပွက်သဖြင့် Coffee Mix တစ်ထုပ်ကိုခပ်မြန်မြန်ဖျော်သည် ။ ဇွန်းကိုပင်မဆေးမိတော့ ။ လက်ဆေးကန်ဘေးတွင် တင်ထားလိုက်သည်။

အိမ်ရှေ့တံခါးကိုဖွင့်တော့ မိုးသက်လေသည် ကျတော့်မျက်နှာကို ပက်ဖြန်းနှုတ်ဆက်လိုက်သည်။ ၀ရံတာတွင် ရပ်ကာ အုံ့ဆိုင်းသောကောင်းကင် ၊ သေးမျှင်စူးရှသောမိုးစက် ၊ ညိုမှောင်သော ပါတ်ဝန်းကျင်တစ်ခုလုံးသည် မည်သည့်ခံစားချက်ကိုမှ မပေးစွမ်းနိုင်ပါ ။ လက်ထဲမှ ကော်ဖီခွက်၏ ရနံ့သည် မွှေးလွန်းလှသည်။ ကော်ဖီနံ့ကို မွှေး ၊ မမွှေး ငြင်းခုန်ခဲ့ဖူးသည်ကို သတိရမိသော်လည်း အတွေးသည်ရှေ့သို့မဆက် ။ အောက်ထပ်တစ်ထပ်ထပ်တွင် မွေးထားသော ကြက်တူရွေးတစ်ကောင်ကောင် အော်မြည်သံကို ကြားရသည် ။ ချစ်သူကို လွမ်းလို့ပင်လား ။ ပက်ဖြန်းဆဲ မိုးသက်လေသည်ပိုမို အေးစိမ့်လာသယောက်ပင် ။ ခုချိန်မျိုးမှာ “မိုးဒေ၀ါ” ကိုကြားလျှင် စာသားလှပမှုနှင့် လက်ရှိအခြေအနေနှင့်လိုက်ရောမှု ကိုခံစားရုံမှ တပါး အခြားမရှိတော့ပြီ ။ NO အဖွဲ့၏ “မိုးသီချင်း” ကိုကြားရပြန်လျှင်လည်း လိုက်အော်ဆိုဖို့ကောင်းသည်လို့ ခံစားရရုံမှတပါး ဘာရှိမည်လည်း ။ ဒါကြောင့်လည်း ယောက်ျားတွေအကြောင်း မိန်းမတွေမကောင်းပြောတာပဲ ။ “မအိ” ရဲ့ “ယောက်ျားတို့အကြောင်း” စာအုပ်ထဲမှ စာသားအချို့ကို သတိရတော့ ရယ်ချင်မိပြန်သည် ။တစ်ချိန်တုန်းက သည်လိုအခြေအနေ ၊ သည်လိုပတ်ဝန်းကျင်မျိုးဆိုလျှင် မျက်ရည်ဝဲတတ် ၊ ငိုချင်တတ်တဲ့ အသက် (၂၀) ပါတ်လည်ယောက်ျားတစ်ယောက်ဟာ ကျတော်ကိုယ်တိုင်တဲ့လား ။ ခုအချိန်မှာတော့ အသက်ရနေပြီဖြစ်တဲ့ လူကြီးတစ်ယောက်က ငယ်ဘ၀ဖြစ်စဉ်တွေကို ပြန်စဉ်းစားကြည့်တော့ ခံစားချက်ကင်းမဲ့နေသလိုပါပဲလေ ။

မိုးသည် စဲသွားတော့မယောင်နဲ့ သည်းနေဆဲ ။
+++++
ညကဖတ်လက်စစာအုပ်ကို ကောက်ကိုင်လိုက်မိသည် ။ မိုးနံ့စိုထိုင်းထိုင်းတွင် စာအုပ်ဟောင်းနံ့သည် နှစ်သက်စဖွယ်ဖြစ်သည် ။ “ခင်နှင်းယု” ရဲ့ “ကျမ၏ချစ်သူ” ။
ရိုးလှသလောက် သိပ်လှတဲ့ နာမည်ပေပဲ ။ နောက်ပြီးတော့ နှစ်လိုစဖွယ် ။ “ချစ်သူတဲ့လား”

သည်ဝေါဟာရလေးဟာ ယောက်ျားတစ်ယောက်အဖို့ သိပ်ကို ရင်နှီးလွန်းနေသည် ။ ငယ်ငယ်တည်းက ငါကြီးလာရင် ချစ်သူတစ်ယောက်လောက်ထားမည်ဟု ယောက်ျားလေးတိုင်းတွေးဖူးမြဲ ။ သည် နှစ်လုံးသော အက္ခ ရာလေးသည် ယောက်ျားတစ်ယောက်ရဲ့ တစ်ထောင့်ငါးရာည အိပ်မက်များကိုလည်းကြီးစိုးတတ်မြဲပင် ။ ဟုတ်ပေမည် ။ အချစ်ဟူသော အရာသာမရှိလျှင်လူငယ်တို့၏ ဘ၀သည်ငြီးငွေ့ ခြောက်ကပ်စဖွယ်ပင် ။

မိုးသက်လေသည် အခန်းတွင်းသို့ ခန်းဆီးများကို တိုးဝှေးပြီး ၀င်လာသည်။ စားပွဲပေါ်မှ စာရွက်အချို့ ပြုတ်ကျကုန်ပြီ ။ မနေ့ကမှ ပြီးသောစာမေးပွဲအတွက် စာရွက်တွေ ။ မကောင်းတတ်လွန်းသဖြင့် စုစည်းကောက်ယူ ပြီး Dictionary တစ်အုပ်နှင့် ကောက်ဖိထားလိုက်သည် ။ ချမ်းသလို ဖြစ်သော်လည်း အနွေးထည်အကူ မပါပဲ လက်တို အကျီင်္နှင့်ပင် အအေးဒဏ်ကို အံတုလိုက်သည် ။

အိပ်ယာပေါ်တွင် လှဲကာ စာဖတ်မည်ပြင်သော်လည်း စိတ်မပါပြန် ။ အိပ်ရာသည် ကျယ်ဝန်းသော်လည်း တစ်ခြမ်းလုံးတွင် စာအုပ်များပုံနေသဖြင့် တစ်ကိုယ်တည်းလှဲ နိုင်ရုံသာ ကျယ်ဝန်းသည် ။ စာအုပ်နံ့ကို အိပ်ရာဝင်ဆေး အဖြင့်အသုံးပြုကြောင်းပြောပြဖူးတုန်းက ကြားကြသူ သူငယ်ချင်းတွေ ဟားကုန်ကြသည် ။ သည်လိုပါပဲ ကိုယ့်ကို လူတွေတော်တော်များများက နားမလည်ကြပါဖူးလို့ ဆက်တွေးနေမိသည် ။ ကိုယ်နှင့် အဆင်မပြေသော ပါတ်ဝန်းကျင်တွင် မလူးမလွင့်သာ ရပ်တည်နေရသည်ကို စိတ်ပင်ပန်းလွန်းသည်ဟု ထင်၏ ။ လက်လှမ်းမှီရာတွင် ထားရသော “မိတ္တဗလဋီကာ” စာအုပ်ကို စာအုပ်စဉ်၏ နောက်ဘက်ချောင်တွင် ထိုးထားခြင်သည်။ ဒါပေမယ် လူ့အသိုင်းအ၀ိုင်း အပြင်ထွက်သွားမှာကိုတော့ လက်မခံချင်ပြန် ။

ကိုယ့်ကိုလူတွေ ဘယ်လိုများသဘောထားကြသလဲ လို့တွေးမိပြန်သည် ။ ငါ့ကို သာမန်လူငယ်တစ်ယောက်လိုမှ သဘောထားကြရဲ့လား ။ ခပ်ကြောင်ကြောင်ကောင်ပါကွာလို့ တီးတိုးဝေဖန်သံကို နားစွင့်လျှင်ကြားကောင်းကြားရမည်။ တစ်နေ့တုန်းကလည်း ကျတော်ကြိုက်သည့် မင်းသမီးတစ်ယောကို “I love U” လို့ “Custom Message” ရေးတင်ထားသည်ကို သူငယ်ချင်းတစ်ယောက်က “ဟေ့ ကောင်မင်း ကောင်မလေးတွေကို စိတ်ဝင်စားသေးတယ်နော်” လို့ အထူးတဆန်းလာပြော၏ ။ ယောက်ျားတစ်ယောက်က မိန်းကလေးတွေကို စိတ်မ၀င်စားရင် ဘာကိုစိတ်ဝင်စားရမလဲလို့မေးချင်သည် ။ အရမ်းရင်နီးပါတယ်ဆိုသော သူငယ်ချင်းတွေကတောင် ကျတော့်အတွေးတွေကို ကြောင်သည်လို့ ဆိုခဲ့ကြပြီ ။ တစ်သက်လုံးမိမိတစ်ယောက်ထည်း တွေးလာသည့် အတွေးတွေကို ဖွင့်ဟပြောစရာ တစ်ယောက်ယောက်ရှိလျှင်ကောင်းမည်ဟု တွေးမိပြန်သည် ။ နားထောင်ပေးရုံ ၊ အကြံဥာဏ်ပေရုံ သက်သက်တွင်ပါ ။ တစ်ခါတစ်ခါ ကျတော်သိပ်ခံစား ရလွန်းလျှင်နှစ်သိမ့်ပေးပေါ့ ။ သူသာ သက်ရှိမိန်းကလေး တစ်ယောက်ဖြစ်ရင် သူ့ဟာ ကျတော့်ချစ်သူဟု ကျတော်သတ်မှတ်ပါမည်။

+++++

သည်းသည်းစွေအောင် ရွာသွန်းသောမိုးစက်မှုန်များသည် ပန်းပွင့်အငုံလေးများကို ပွင့်စေသည်။ သည်လိုဆိုရင် အချိန်တန်အရွယ်ရောက်မှုကြောင့် ပေါ်ပေါက်ရသော ရင်ခုန်မှု ၊ စိတ်ကူးယဉ်မှု လေးများသည် ချစ်ပန်းပွင့်ဦးလေးများကို ပွင့်အာစေသည်ဟု မိုးစက်များကို ငေးကြည့်ရင်းတွေးနေမိသည် ။

သည်လိုဆိုရင်တော့ ကျတော့်အတွက် စိတ်ကူးယဉ်မှုသည် အချစ်ပင်ဖြစ်ခဲ့သည် ။ သေချာတာပေါ့ကျတော့်တွင် ချစ်သူတွေ ရှိတယ်။ ခင်နှင်းယုရဲ့ “မွှေး” ၊ ဂျာနယ်ကျော်မမလေးရဲ့ “မော်” ၊ မလေးလုံ ရဲ့ “ပွင့်” ၊ မိုးငြိမ်းဧ ရဲ့ “ကြွေ”တို့ နောက်နောက် အများကြီး ။ သည်ချစ်သူတွေကို ပေါင်းစပ်ပြီး ချစ်စဖွယ်မိန်းမပျိုတစ်ယောက်ကို စိတ်ကူးဝယ်ဖန်ဆင်း၏ ။ လက်တွေ့ဘ၀တွင်လည်း ချစ်သူ့နာမည်မှ အလှဆုံးစကားလုံးတစ်လုံးကို အဖျားဆွတ်ခေါ်မည်ဟု ပိုင်းဖြတ်ထား၏ ။ သည်လို စိတ်ကူးလေးတွေကို အခင်ဆုံးသူတွေကို ပြောပြမိတော့ သူတို့ကဟားကြပါသည် ။ “ဟေ့ ကောင်ကြီး စိတ်ကူးယဉ်တာ လျော့လျော့” တဲ့ ။ သည်တော့ အချစ်ဟာ ရင်ခုန်တတ်မှု နှင့်အစပြုတယ်လို့ နားလည်တတ်စပြုလာပြီ ။

ယောက်ျားလေးတစ်ယောက်အတွက် စိတ်ကူးယဉ် အချစ် ၊ အုံ့ပုန်းအချစ် ၊ တစ်ဖက်သတ်အချစ်ဆိုတာတွေဟာ ခုလို Globalization ခေတ်မှာပျောက်ကုန်ပြီလို့ ပြောသံကြားဖူးပါသည် ။ ဆယ်ကျော်သက် ညီငယ်တစ်ယောက်က သူ့ရည်းစားအကြောင်းပြောတော့ အိပ်ပျော်ရာမှ နိုးလာသလို ချက်ချင်းကြီးအားငယ်သွားသည် ။ စိတ်ကူးထဲက အစ်ကိုရဲ့ ချစ်သူအကြောင်းကိုလည်း ညီငယ်ကို ပြောပြရင်လည်း သူဟားမှာအသေအချာပဲ ။ “အကိုလည်း မကြိုးစားသေးဖူးလား ၊ အသက်ကဖြင့် (၂၀) ကျော်တော့်မယ်” လို့ပြောသူကို ခပ်ရှက်ရှက်နှင့် “လာမယ် ၊ ကြာမယ်လေ” လို့ ပြန်ပြောရင်း အပျိုကြီး အစ်မတစ် ယောက်ကို သွားစမိလို့ ၀ဋ်လိုက်တာပဲလို့ ရင်နာနာတွေးသည် ။ ချစ်သူမရှိပေမည့် အဖော်မမဲ့ပါဘူး ဖတ်စရာ စာအုပ်တွေ ရှိသေးသာပဲလို့ ခပ်ဝါးဝါးတွေးမိသည်။



++++++

သည်အရွယ်အထိ ဘာလို့တစ်ယောက်ထည်းဖြစ်နေရသလဲ လို့ ခုတလောအားတိုင်းတွေးနေမိသည်။ “တစ်ယောက်ယောက်ကို ချစ်တဲ့ခံစားမှုဟာ ဘာလဲ ။ ချစ်လာဖို့ရော ဘယ်လိုလုပ်ရမလဲ ” လို့ မေးကြည့်တော့ သိပ်ခင်ပါတယ်ဆိုတဲ့ ယောက်ျားလေးသူငယ်ချင်းကိုယ်တိုင်က ယောင်ဝါးဝါးဖြင့် အူကြောင်ကြောင်ဖြေ၏ ။ ဘာပဲပြောပြော စိတ်ကူးယဉ်မှုသည် အချစ်မဟုတ်။ တစ်နေ့နေ့တွင်ခံစားတတ်လာရမည်ဟုလည်း ယုံကြည်စောင့်မျှော်ဆဲပါ ။ စာဖတ်ပြီး စိတ်ကူးယဉ်တတ်သော ယောကျာ်းတစ်ယောက်သည် အချစ်စစ်ကို ကိုးကွယ်ချင်ပါသည် ။

စိတ်ကူးထဲမှာ ချစ်သူပုံရိပ်တွင် ချစ်စဖွယ်အမည်ရှိသော မိန်းကလေးသည်ကျတော့် ဘေးဝယ်အရိပ် သဖွယ်လိုက်ပါတတ်၏ ။ သူသည်ခြောက်ပစ်ကင်းသူဖြစ်၏ ။ မပြည့်စုံ ၊ မရင့်ကျက်သော ကျတော့်ကို အလိုက်သိစွာခွင့်လွတ်၏ ။ မဖွင့်ဟသော အချစ်ကိုနားလည်၏ ။ ချစ်သူကို မထိရက် ၊ မကိုင်ရက်အောင်ချစ်သော အချစ်ကို တန်ဖိုးထား၏ ။ ချစ်သူမှ တပါး အခြားမိန်းကလေးတွေကို လှည့်ပင်မကြည့် ဖွဲ ၊ ဆန်ကွဲ သဖွယ်ပင်ဟူသော စိတ်ဓာတ်ကို လေးစား၏ ။ သူမသည်ကော်ဖီကို ကြိုက်တတ်ပြီး စာဖတ်ရန် ၊ ဆွေးနွေးရန်လည်း မပျင်းတတ်ပေ ။

ထိုမိန်းကလေးကို အပြင်ကသက်ရှိလူသားတစ်ယောက်အဖြစ် ပုံသွင်းရန် ကြိုးစားမိတော့ အချစ်ဆိုတာ ရင်ခုန်မှု ရာခိုင်နှုန်းများစွာ ပါဝင်ကြောင်း မသိစိတ်တွင် လက်ခံလာရသည် ။ သာပေမင့် လက်တွေ့နှင့် စိတ်ကူးယဉ် မှု သည် အဘယ်မျှကွာခြားကြောင်းကိုလည်း သဘောပေါက်ရသည် ။ “မင်း ကြိုက်မဲ့ မိန်းကလေး သည်လောကထဲမှာ မမွေးသေးဘူးကွ” လို့ ခပ်ပြတ်ပြတ်ပြောတတ်တဲ့ သူငယ်ချင်းကိုလည်း စိတ်မဆိုးမိတော့ ။ အချစ်သည် မျက်စိမရှိဟူသော စကားသည် အမှန်ပင်ဖြစ်သည် ။ စိတ်ကူးနှင့် လက်တွေ့လုပ်ဆောင်မှုသည်လည်း တစ်ဘာသာစီသာဖြစ်၏ ။

ချစ်သူဟူသည်ကျတော်ကို အရာအားလုံးနားလည်ရမည် ဟုဆိုသည်။ ချစ်သူနှင့်ကိုယ်သည် ပုံစံခွက်တစ်ခုတည်းမှ သွင်းလုပ်ထားသလို စိတ်တူညီမျှရှိဦးမည် ။ ချစ်သူကိုယ့်ဆီ လျှောက်လှမ်းလာရာ လမ်းတစ်လျှောက်ဝယ် ၀တ်ရည်သင်းထုံသော ပန်းပွင့်လေးများ ကြွေကြရမည်။ ပန်းတစ်ပွင့် ကိုယ့်ရှေ့မှာ ကြွေတိုင်း ကောက်ပြီး “ချစ်”ဆိုသည့် စကားလုံးပေါ်လာအောင်စီရမည် ။ ထိုပန်းပွင့် စကားလုံးနားတွင် ထိုင်ကာ ၀ဲလွင့်သော ဆံပင်ရှည်နှင့် လျှောက်လှမ်းလာသော ချစ်သူကို အဝေးကပင် မောင်မြင်ရမည် ။ ချစ်သူသည် အလှအပ ၊ အ၀တ်အစား ၊ ရွှေငွေ ကြားတွင် နစ်မြုပ်နေမည့် သာမန်အမျိုးသမီးမျိုးမဟုတ် ။ ကျတော့် ရင်တွင်းမှ စကားများကို ဖောက်ထွင်းမြင်နိုင်ရမည် ။ သည်အခါ ကျတော်ချစ်သူသည် လေတွင် ခြေရာမထင်မကျန် ရစ်သော ငှက်ငယ်တစ်ကောင်ပင်ဖြစ်ပါလိမ့်မည် ။

+++++
အိပ်မက်မှ နိုးတော့ မိုးကဖြင့်စွေစဲပါ ။ မက်တတ်တဲ့ အိပ်မက်ဟာ ကျတော့် ပျော့ညံ့မှုရဲ့ ပုံရိပ်တွေဖြစ်တယ် ။ နေ့လည်စာစားချိန်တတ်ပြီမို့ ဗိုက်ကအချက်ပေးနေပြီ ။ မိုးသည်းထဲမှာ အောက်ဆင်းဖို့ပျင်းသည့်တိုင် မတတ်နိုင်တော့ ။ ကိုင်းတစ်ချောင်းကြိုးနေတဲ့ ထီးကို ပြင်မယ်ပြင်မယ်နှင့် ခုထိမပြင်ရသေး ။ ထမင်းဟင်း ၀ယ်ဝယ်စားရတာကိုလည်း ငြီးငွေ့စပြုလာပြီ ။ တစ်ခါတစ်ခါ စာဖတ်ဖို့ထက် စကားပြောဖော် တစ်ယောက်ယောက်ကို တမ်းတတတ်မှုက အလေးသာလာဟန်ရှိသည် ။

မိုးသည်ထဲတွင် တစ်ယောက်ထည်းအပြင်ထွက်ရမည့် အရေးတွေးကာ စိတ်ညစ်မိသည် ။ တစ်ယောက်ထည်းနေရတာ ကိုပင် ပျော်ပါတယ်လို့ ခပ်တည်တည်ပြောခဲ့မိတာကို နောင်တရမိသည် ။ ပြာဝေမှိုင်း မှောင်သော ပတ်ဝန်းကျင်တွင် ခံစားမှု ကင်းမဲ့ခြင်းအဖြစ်သည် ရင်နင့်ဖွယ်ပင် ။ ယခုလို အခါမှာ သိမ်ဆည်းခဲ့ရသော အချစ်ကို ဖွင့်ဟဖို့ အခြေအနေ ၊ အကျိုးအကြောင်း ဘယ်လောက်ခိုင်လုံနေပြီဆိုတာ သူသိစေချင်စမ်းလှသည် ။ စိတ်ချင်းစကားပြောနေရသည့် ၀ဋ်မှ ကျတော်ကျွတ်ချင်လှပြီလေ ။ ။

အောင်ဖြိုး
( ၈ ၊ June ၊ 2008 – 12:47 am)